В.М.Лебедев ис. Россия дәүләт хокук университеты Казан филиалы студентлары диплом алды
Бүген В.М. Лебедев исемендәге Россия дәүләт хокук университетының Казан филиалында өзлексез белем бирү факультетын тәмамлаучыларга дипломнар тапшыру тантанасы узды. Тантанада Идарә башлыгы Җәүдәт Салихов һәм университетның Казан филиалы директоры Рамил Шәрифуллин катнашты.
Җәүдәт Салихов чыгарылыш студентларын укуларын тәмамлаулары белән котлады, аларга иминлек, һөнәри үсеш һәм үзеңне камилләштерүгә омтылыш теләде.
Яшь белгечләргә мөрәҗәгатендә Җәүдәт Салихов актив тормыш позициясенең мөһимлеген ассызыклады һәм аларны республика һәм дәүләтнең иҗтимагый тормышында катнашырга чакырды. Ул шулай ук дипломлы белгечләргә Россия Федерациясе Конституциясен тапшырды, гражданнарның сайлауларда катнашу буенча конституцион хокукларын искә төшерде һәм аларны бу хокукны тулысынча гамәлгә ашырырга өндәде.
Җәүдәт Миргазыям улы яшь белгечләрнең Татарстан Республикасының да, бөтен Россиянең дә хокукый системасын үстерүгә үз өлешләрен кертә алуларына ышаныч белдерде. Ул шулай ук яшь белгечләрне Татарстан Республикасы район (шәһәр) судларында дәүләт гражданлык хезмәте вазыйфаларын биләүгә игълан ителгән конкурсларда катнашырга чакырды.
Сүз уңаеннан, хәзерге вакытта Татарстанда «Кадрлар» илкүләм проекты гамәлгә ашырыла.
get newsletter