Яңа сезонга гаризаны Уенның рәсми сайтында бирергә мөмкин.

«Зарница 2.0» хәрби-патриотик уенында катнашу барышында Россиянең төрле төбәкләреннән килгән яшүсмерләр һәм яшьләр тәҗрибәле остазлар җитәкчелегендә стратегик фикерләргә, авырлыкларны җиңәргә өйрәнәләр һәм тактик фикерләүләрен үстерәләр. Проект дәвамында алар тормыш өчен файдалы күнекмәләр алалар һәм заманча технологияләр белән эшләү серләрен үзләштерәләр.

«Зарница 2.0»ның өченче сезонында уенның яшь чикләре беренче тапкыр киңәйтелде. Хәзер ул 7 яшьтән 23 яшькә кадәрге дүрт яшь категориясен колачлаячак. Оештыручылар төрле уен механикаларын катнашучыларның яшенә карап билгеләгән. Мәсәлән, кече яшьтәге балалар (7-10 яшь) беренче ярдәм күрсәтүнең төп күнекмәләрен, строй әзерлеге нигезләрен үзләштерәчәк, «Зарничка 2.0» маршрут уенында катнашачаклар. 14-17 һәм 18-23 яшьлек яшьләр өчен отряд ярышлары һәм шартлы хәрби һөнәрләр буенча ярышлар каралган: БПА операторы, командир, хәрби корреспондент, штурмовик, медик, инженер-сапер һәм элемтәче. Моннан тыш, уенның төрле этапларында балаларны берничә яңа сынау да көтә. Муниципаль һәм төбәк этапларында катнашучылар 3 км дистанциягә кросс үтәчәк, егетләр һәм кызлар төрле ярышларда катнашачак. Округ җыеннары барышында лазертаг һәм дроннар кулланып «марш-бросок» отряд ярышы узачак.

2024 елда проект 8 мең мәктәпне һәм урта һөнәри белем бирү учреждениесен колачлады, 2025 елда исә бу сан 35 меңнән артып китте. Быел проектка Россиянең тагын да күбрәк мәгариф оешмалары кушылыр дип көтелә.

Уен барышында традицион рәвештә остазларга аерым игътибар бирелә, алар арасында махсус хәрби операция Геройлары, сугыш ветераннары, укытучылар һәм хәрби-патриотик клублар әгъзалары бар.

Бөтенроссия хәрби-патриотик «Зарница 2.0» уенының өченче сезонының мәгълүмати партнёры булып ТАСС мәгълүмат агентлыгы һәм Rambler&Co медиахолдингы тора.